Presentación

Desde a Xunta Directiva da ANPA traballamos para tentar que o colexio mellore nas súas infraestruturas, nos seus servizos, na procura e xestión de subvencións e en que os nenos sintan que pertencen a un grupo e que no seu colexio hai vida máis aló do estritamente académico, cousa que nos parece moi importante.
Todo o tempo que os membros da xunta da ANPA dedicamos a vós é completamente altruísta, é tempo do noso tempo. Por iso de antemán pedimos desculpas polos nosos fallos e agradecemos toda a colaboración de quen desexe achegar a súa axuda.
A ANPA somos todos os socios por iso cando hai que informar e tomar decisións consensuadas convócasevos a unha asemblea coa antelación suficiente para que poidades organizarvos para asistir e dispomos de monitores que coidan aos nenos mentres tanto.